Горивата од ноќеска на полноќ ќе поскапат во просек за 2,09 отсто, соопшти Регулаторната комисија за енергетика . Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ и на Екстра лесното масло за домаќинство се зголемуваат за 1,50 денари за литар, а на мазутот за 0,9 денари за килограм.
ЕУРОСУПЕР БС – 95 ќе чини 81,50 денари за литар, ЕУРОСУПЕР БС – 98 ќе се продава по 83,50 денари, дизелот ќе биде 70,50 денари, а екстра лесното масло 69 денари за литар. Цената на мазутот ќе изнесува 40,5 денари за килограм.
