Со премиерна изведба на претставата „Љубовна терапија“, Театар Куманово во сабота ќе го затвори годинешното издание на Меѓународниот театарски фестивал „Денови на комедија“. Билетите за премиерата и за првата реприза на 17- ти октомври се веќе распродадени, а во тек е продажбата и на билетите за третата изведба закажана за 18- ти месецов.
„Љубовна терапија“ ќе го затвори натпреварувачкиот дел од фестивалот „Денови на комедија“, а во недела свечено ќе бидат доделени признанијата на најдобрите од оваа издание, по што ќе игра претставата „Обвинителка“.