Со воена свеченост, денеска во касарната Боро Менков, припадниците на Командата за операции го одбележаа Денот на единицата.
Пред присутните се обратија бригаден генерал Бесник Емини, командант на Командата за операции и началникот на Генералштабот на Армијата, генерал-мајор Сашко Лафчиски.
Според Министерството за одбрана, за ден на Командата за операции е одреден 17 октомври, како еден од значајните историски настани врз кои се темелат традициите на Армијата, кога во 1887 година во селото Кресна е формиран штабот на Кресненското востание, што воедно e и ден кога е кренато востанието.
