Тече реконструкцијата на спортската, но и боксерската сала во Куманово. Се реконструираат трибините во салата, информираше градоначалникот Максим Димитриевски.
Општината претходно соопшти дека ќе одвои над 12 милиони денари за целосно внатрешно уредување на спортската сала.
Освен реконструкција на трибините и салата, ќе се менуваат подовите на објектот, а ќе се набават и нови реквизити и опрема. Кон крајот на декември, лани заврши санацијата на кровната конструкција на спортската сала.
