МВР информира за сообраќајна незгода која се случила синоќа во 22.25 часот на регионалниот пат Слупчане – Граничен премин Белановце, помеѓу мотоцикл „хонда“ без регистарски ознаки, управуван од 20-годишен жител на село Слупчане, патничко возило „фолксваген голф“ со кумановски регистарски ознаки, управувано од 46-годишен жител на село Липково и патничко возило „шкода“ со кумановски регистарски ознаки, управувано од 40-годишен жител на село Слупчане.
„Во несреќата со тешки телесни повреди се здобил мотоциклистот, констатирани во Општа болница Куманово. Извршен бил увид од увидна екипа од СВР Куманово“, соопшти МВР.