Горивата поскапеа од половина до еден денар по литар

Дизелот од ноќеска на полноќ поскапе за еден денар по литар, а цената на бензините и на екстра лесното масло за домаќинство се зголеми за половина денар, одлучи вчера Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши зголемување на малопродажните цени на нафтените деривати во просек за 0,33 отсто.

Новата малопродажна цена на ЕУРОСУПЕР БС – 95  изнесува 80 денари за литар, ЕУРОСУПЕР БС – 98 се продава за 82, ЕУРОДИЗЕЛ БС (Д-Е V) за 74, а Екстра лесното масло за домаќинство (ЕЛ-1) за 73,5 денари за литар.

Со одлуката на РКЕ за 0,802 денари за килограм се намалува малопродажната цена на Мазутот М-1 НС и изнесува 47,209 денари.