Агенцијата за управување со одземен имот деновиве спроведе акција за уништување на одземени предмети на депонијата Краста со која стиопанисува јавното претпријатие „Чистота и зеленило“.
Акцијата беше организирана и спроведена од страна на Комисијата за уништување на одземени наркотични дроги, психотропни супстанци и прекурзори, формирана од Управниот одбор на Агенцијата. Согласно претходно изготвените списоци и одлуки, уништени беа предмети кои не можат да се продаваат поради здравствени, ветеринарни и фитосанитарни ризици, како и значителна количина тутунски и алкохолни производи без соодветна декларација или со фалсификувано потекло.