Во Куманово повеќе од шест месеци успешно функционира Центарот за пружање на бесплатни услуги за работа за развивање и стекнување на животни, воспитни, социјални и културни вештини преку индивидуална и групна работа. Центарот го отвори Здружението за промоција и развој на инклузивно општество „Инклузива“ и е сместен во поранешната месна заедница спроти основното училиште „Толи Зордумис“.
Со лицата со попреченост индивидуално или во групи работи стручен тим кој помага инклузијата во нашиот град да се спроведува секојдневно.
Дали Куманово е инклузивна општина и со какви предизвици секојдневно се соочуваат лицата со попреченост и нивните семејства ќе одговори претседателката на „Инклузива“, Благица Димитровска.