ВИДЕО: Куманово се подготвува за Богојавление – Водици
Православните верници се подготвуваат за претстојните празници Богојавление- Водици и Свети Јован Крстител.
Водици или Богојавление народот го празнува како еден од најголемите христијански празници, после Божиќ и Велигден, зашто на тој ден според верувањето, Исус Христос е крстен од Свети Јован Крстител на реката Јордан, на неговата 30-годишна возраст.
Фрлањето на крст во реките, езерата, базените па дури и во фонтани е само еден од обичаите кој остана да се практикува кај нас. Се верува дека тој што ќе го пронајде крстот во вода ќе биде среќен цела година и е кум на црквата.
Традиционалното јадење кое што се подготвува за овој ден се пивтии со пресна погача, појаснува м-р Анита Стојчевски, кустос советник етнолог во НУ Музеј -Куманово.
После Богојавление следува празникот Собор на Свети Јован Крстител кој што е тесно поврзан со крштевањето на Исус Христос на реката Јордан и овој светец е заштитник на кумството и побратимството.
Многу семејства денот го чествуваат како домашна слава, а воедно се слави и како именден.