Кумановските гимназијалци Христина Стојмановска, Мартин Костадиновски и Марко Краљевски освоија второ место на математичкиот државен електронски натпревар „ПИ – ДЕН“ кој традиционално се реализира во чест на Меѓународниот ден на математиката, 14 март.
Учесниците, солидните резултати на натпреварот ги постигнаа под менторство на професорот по матетамика Мишо Каранфиловиќ.
Учесниците се поделени во 9 категории, почнувајќи од учениците од прво одделение, до категоријата 18+. Задачите имаат логички карактер и се однесуваат на наставните содржини кои се соодветни за возрасната група на која се однесуваат. Организирани се во три групи задачи со различна тежина кои носат 1, 2 и 3 поени, соодветно.
Натпреварот, кој се организира по шести пат е во надлежност на Сојузот на математичари на Македонија, а тестовите ги изработуваат и оценуваат професори од Природно-математичкиот факултет во Скопје.
Натпреварот се реализира онлајн, при што учениците имаат 90 минути за решавање на тестот, а резултатите ги добиваат електронски.
Фото: KumanovoNews