Директорката на Државниот инспекторат за животна средина, Ивана Гиновска на денешната прес-конференција во Владата информираше дека до 20 декември 2025 година биле спроведени 1700 контролни проверки на квалитетот на амбиентниот воздух. Од нив, 839 претставувале рутински надзори, 532 биле вонредни, а 329 биле контролни инспекциски проверки.
Притоа, биле констатирани 398 недоследности и издадени се исто толку решенија во рамките на инспекциската постапка.
Покренати се над 30 прекршочни и четири кривични постапки. Гиновска извести дека во периодот од 1 ноември до денес се реализирани над 55 инспекциски надзори низ целата територија на државата, насочени кон индустриски објекти што имаат влијание врз квалитетот на воздухот преку емисии.
Издадени се 20 решенија и три забрани за работа.
