Дневник

В понеделник стартуваат уписите за идните средношколци. Во средното техничко училиште „Наце Буѓони“   во новата учебната, во прва година предвидено е да се запишат вкупно 646 ученици во 19 паралелки со настава на македонски и на албански јазик. За струките и профилите во Наце Буѓони, од изјавата на директорот на училиштето, Драган Јаневски.

-Владата предводена од СДСМ се грижи за институциите во нашиот град. Еден од клучните објекти во Kуманово ќе започне да се реконструира со што ќе добиеме модерен спортски објект кој ќе одговори на денешниве предизвици. Имено, деновиве започна реконструкцијата на кровната конструкција на спортската сала во Куманово, што е прва фаза од целосна реконструкција на овој значаен спортски објект во градот. Средствата за реконструкцијата се обезбедени преку проект на Североисточниот плански регион (СИПР) во висина…

Четириесетина дела – слики, цртежи и скулптури од 18 автори вчеравечер беа претставени на најновото издание на традиционалната ликовна манифестација „Самоуки 2021“, во изложбениот салон на центарот за култура. Интересот за учеството на оваа изложба секоја година е голем бидејќи претставува можност за презентирање на неакадемските уметници пред пошироката публика којашто редовно е присутна  на оваа манифестација да го види творештвото продуцирано од своите сограѓани.
-Сакам да кажам дека ми е жал малку за сите луѓе…

Центарот за развој на Североисточниот плански регион во партнерство со Историскиот музеј од Општина Дупница денеска во Куманово го промовираше проектот „Светлина од минатото“ од програмата за прекугранична соработка со Р. Бугарија. Со проектот за збогатување на содржините на локалитетот Бислимска клисура предвидени се повеќе активности, а вкупната вредност на прекуграничниот проект чини околу 460.000 евра. „Една од главните активностите е реконструкција и опремување на Задружниот дом во селото Пчиња, објект од 200 м2 кој…

Зголемен е протокот на патници за влез, но и за излез од државата на граничниот премин Табановце. Од полноќ до 10 часот, од земјава излегле над 1.500 македонски државјани. Дел од нив потврдуваат дека се уште заминуваат за вакцинација во соседна Србија. Велат примивме вакцина и се враќаме дома.
Согласно податоците досега над 16.000 македонски државјани се вакцинираа во Србија.  Но на граничниот премин денеска метеж можеше да се забележи и за влез во државата. Голем…

Триесет и деветгодишен битолчанец вчера во полицијата во Куманово, пријавил дека бил измамен од 53-годишен кумановец, кој како сопственик на авто сервис, на 16-ти мај, по исплатен капар и договорена сума се согласил да му изврши услуга на возилото.
Според пријавеното, на 23-ти мај лицето го донело своето возило во Куманово за извршување на договорената услуга, но и покрај ветувањата од сопственикот, возилото го затекнал во првобитната состојба, а сопственикот на авто сервисот го известил дека…

Според статистиката на МВР за изминатото деноноќие по однос на Уредбата за задолжително носење заштита на лицето, евидентирано е дека на ниво на Секторот за внатрешни работи Куманово 35 лица не ја почитувалe, од кои  во Куманово 25, во Крива Паланка 5 и  во Кратово 5, за истите ќе следуваат соодветни мерки.
Во истиот период 4  лица не ја почитувале забраната за движење, од кои 2  во Куманово и 2 во Кратово.

Деветнаесетгодишно момче од кумановското село Тромеѓа вчера било тешко повредено во Скопје, откако во него удрил мотор.
Со тешки повреди се здобил и мотоциклистот.
Според МВР, вчера во 17.40 часот во СВР Скопје било пријавено дека на бул.„Александар Македонски“ во Скопје, кај клучката „Дијамант“, мотоцикл „бмв“, без регистарски ознаки, управуван од 24- годишен скопјанец, удрил во пешак од кумановско.
Во незгодата, како што појаснуваат од полицијата, пешакот и мотоциклистот се здобиле со тешки телесни повреди констатирани во Комплексот…