Горивата поскапуваат од половина до два денари

Цената на бензините од ноќеска на полноќ се зголемува за половина денар по литар, дизелот поскапува за 1,5, а екстра лесното масло за домаќинството за два денари по литар, одлучи денеска Регулаторната комисија за енергетика и водни услуги.

Новата малопродажна цена на ЕУРОСУПЕР БС-95 изнесува 86,5 денари за литар, ЕУРОСУПЕР БС-98 ќе се продава за 89, ЕУРОДИЗЕЛ за 92,5, а Екстра лесното масло за домаќинство за 89,5 денари за литар.

Со одлуката за 0,46 денари за килограм се зголемува и малопродажната цена на на Мазутот и ќе изнесува 50,228 денари.