Јавна реакција во врска со наводите за неправилности и наводен мобинг во ЈОУ Дом за стари лица „Зафир Сајто“ Куманово

На соопштението од ОО СДСМ Куманово реагираше директорот на Домот за стари лица „Зафир Сајто“, Дејан Стојановски.

Во реакцијата се вели:

-Последниов период сведоци сме на оркестриран напад од неформални медиумски канали потпомогнати од внатрешни злонамерни, тенденциозни извори во институцијата кои пласираат неточни и манипулативни информации во јавноста. Последна во низа е и оваа прозивка од политички субјект во Куманово. Категорично ги демантирам сите наводи и обвинувања во вид на прашања упатени до мене и истите се политичка конструкција и недолично преувеличување од страна на политичкиот субјект кои ги изнесува. Домот за стари лица во моментов има 36 вработени и истите максимално се ангажирани за квалитетна и хумана услуга насочена кон старите и изнемоштени лица. Незадоволството се однесува на сосема мала група на лица ни приближно 70% како што тенденциозно е изнесено и истото се должи на нагласеното темпо и организација на работа но ниту збор за мобинг или вознемирување. Организација и темпо кои се во согласност со потребите на Домот и систематизацијата на работните задачи. Сосема мала група на лица вешто ја искористија Ваквата ситуација и пласираат вакви неточни информации во јавноста нанесувајќи штета на Домот. Дијалогот поврзан со професионалните обврски секогаш бил присутен и разговор со синдикат и пратеник е исто така легитимен и во корист на институцијата. Така да и ваквите процеси за жал се означени како негативни. Домот 6 години наназад вложува во набавка на нова опрема и мебел и врши реконструкција на сместувачките капацитети што е лесно воочливо од посетителите и корисниците на услугите, јавноста исто така секогаш транспарентно и навремено информирана. Набавките се реализираат максимално посветено и се водиме од постигнувања и зацртани јасни цели за секоја година. Роковите се немилосрдни и бараат многу планирање и посветеност. Горди сме со колегите што учествуваат во ваквите набавки и планирања и особено горди на 2024 година која ја завршивме со 100% исполнетост на плановите и реализација на планираните набавки. Мебелот за кој сме критикувани е во Домот и покрива цел еден реон којшто не бил обновен 40 години. Постапката спроведена согласно закон. Непредвидено доцнење не значи откажување, особено кога целта е јасна и е дел од визија за Домот! ЈОУ Дом за стари лица „Зафир Сајто” Куманово ќе продолжи да се унапредува и модернизира, а старите лица добиваат, подобри услови и похуман третман којшто зависи само и само од персоналот. Како јавна институција покажавме годиниве наназад дека со професинален пристап е можна квалитетна услуга, услуга и услови спрема очекувањата на граѓаните и штитениците.