Неколку неправилности се регистрирани на гласачките места низ Куманово од страна на набљудувачките на невладината организација ЦИВИЛ која врши мониторинг на изборниот процес.
Како што беше истакнато на нивната прес-конференција на избирачко место 1070 се соочиле и со опструкција нивните набљудувачи.
Ова се дел од нерегуларностите од извештајот:
На ИМ 1026/1 во ОУ „11 Октомври“ – членот на ИО, В. Т., додека гласачот бил на ФП апаратот, именуваната извадила телефон за да го слика гласачот. После тоа, му рекла: знаеш дека треба да заокружиш конкретно бројче.
На ИМ 1001, ОУ „11 Октомври“ – гласачките паравани се наместени на тој начин што од прозорецот може да се види кој што заокружува зад параванот.
На ИМ 1073, Гимназија „Гоце Делчев“ – прекинато е гласањето 8 минути поради приговор на партиски набљудувачи заради не броење на гласачки ливчиња.
На ИМ 1073, Гимназија „Гоце Делчев“ – гласачко лице од вчера од болен од Ковид-19 сè уште стои на страна, ќе го ставаат во кутија вечер.
Гимназија „Гоце Делчев” (главен влез), ИМ 1074, компјутер со камера е свртен директно кон влезната врата и гледа во ИО, во набљудувачите и во гласачите кои влегуваат во ИМ. Не може да се забележи дали камерата е вклучена или не. Во Куманово, школска амбуланта, ИМ 1069, низ амбулантата има безбедносни камери кои не се покриени/заштитени и не е јасно дали се во функција и снимаат. Дел до камерите буквално имаат увид и зад гласачките паравани.
ЈП Водовод – голема сала, ИМ 1016, на набљудувачот од ЦИВИЛ, му биле побарани дополнителни документи за легитимација и е попречуван во набљудувањето – не му е дозволен пристап до ИМ, а како причина е наведен малиот физички простор и ковид протоколите, информира Џабир Дерала од ЦИВИЛ.