„Граѓаните на Куманово заслужуваат јасен и искрен одговор зошто се укинува бесплатниот јавен превоз“, кажа на денешната прес-конференција претседателот на ОО СДСМ Куманово, Дарко Ристовски потенцирајќи дека кумановци заслужуваат транспарентност, отчетност и чесен однос.
„Речиси четири години оваа мерка беше претставувана како голем успех на локалната власт и како личен успех на градоначалникот Димитриевски. Денес, кога бесплатниот превоз се укинува, владее молк. Бараме градоначалникот јавно да им одговори на граѓаните: Зошто се укинува бесплатниот превоз? Дали причината е недостаток на средства, или пак оваа одлука е производ на недоразбирањата во коалицијата ЗНАМ – ДПМНE? Градоначалникот не смее да се крие зад одлуките на Советот. Граѓаните на Куманово знаат кој ја води општината и кој носи политичка одговорност. Кога мерката се промовираше, заслугите градоначалникот јавно ги преземаше. Денес, кога истата се укинува, јавноста очекува исто така јасна одговорност и конкретен одговор. Кумановци заслужуваат транспарентност, отчетност и чесен однос“, истакна Ристовски.
