Советот на Општина Куманово утре со почеток во 10 часот во кружната сала на поранешен Комитет ќе ја одржи својата 24-та седница.На дневен ред ќе се најдат 15 точки, меѓу кои финансиски извештаи на дел од јавните претпријатија, но и повеќе точки поврзани со финансиското работење и буџетот на Општина Куманово.
Ќе се разгледа извештајот на Куманово-план, Водовод, Пазаришта, Куманово паркинг, програмата за развој на североисточен плански регион, програмата за развој, како и предлог одлука за измена на режим на сообраќај на улица „Страшко Симонов” и приклучни улици.
Советниците ќе расправаат и за предлог одлука за давање на согласност и овластување на градоначалникот за измирување, односно пренасочување на средства од буџетската сметка. На дневен ред е и квартален извештај за извршување на буџетот на општина Куманово за I квартал, предлог – одлука за исплата на еднократна парична помош , предлог – одлука за разрешување и именување на членови на Општинскиот совет за превенција на детско престапништво.
Седницата која ќе започне во 10 часот, може да се следи во живо на ТВ Плус.
