Со сопствен научен труд за високостепен невроендокрин карцином на дебелото црево, доктор Иван Аргиров од Куманово, специјализант по општа хирургија, учествуваше на престижен меѓународен конгрес на хирурзи во Бари, Италија организиран од Европското хируршко здружение.
„Ваквите настани имаат исклучителна важност особено за младите хирурзи и овозможуваат размена на идеи со врвни професори, стекнување нови знаења и воспоставување контакти со колеги од различни земји“, истакна д-р Аргиров, кој што работи во хируршко-ургентниот центар во Куманово.