По 24-ти пат се организираше и прослава на Бадник од Здружението Коледари од Куманово. На свеченоста која го најавува Христовото раѓање кумови беа Зоран Божиновски и Мишко Николовски. По примопредавање на кумството во соборниот храм Свети Никола, коледарите со песна и тапани поминуваат по улиците во градот пред да стигнат на градскиот плоштад, каде што кумановци добиваат осветени бадникови гранчиња кои претходно коледарите ги набраа во селото Колитско.
