Димитриевски: Лажни се информациите за наводни коалиции со ВМРО-ДПМНЕ

„Илиевски никогаш со мене не рушел режим, бидејќи кога рушевме режим го немаше никаде. Но, морам да кажам дека зборува невистини, ниту пак најодговорно тврдам дека сум се шетал по град или некаде со претседател на општински комитет на ВМРО-ДПМНЕ итн“, порача синоќа независниот кандидат за градоначалник на општина Куманово, Максим Димитриевски.

-Ова се чисти шпекулации, ниту има договарано нешто со ВМРО-ДПМНЕ, ниту може да се договара пост изборна коалиција со некој додека не ги знаете силите во составот на советот, а во тој момент не се познати. Се прават на
локално ниво пост изборни коалиции кои многупати знаат да бидат и непринципиелни поради бројките. Но, знам само едно. Шпекулациите на Фејсбук групите коишто вие и вашиот штаб ги креирате и ги пуштате во етер, ги отфрлам во целост. Но, знам едно и суштинско, дека на локацијата Ореов Лад во Куманово никогаш нема во мандатот на
Димитриевски да никне нов станбено деловен комплекс, бидејќи тој комплекс се обидуваат финансиери од многу градежни компании и директни ваши поддржувачи, кои се подготвени да направат се само да не добие Димитриевски за да избришат детска градинка локација, а да изградат нови станбени комплекси и тоа во мандатот на Димитриевски нема да се случи. Нема никогаш да го дозволам, дури во една прилика едниот од нив и самиот рече дека се подготвени таму да чекаат да заминат, ќе саделе кромид, но ќе дојде човек којшто ќе го потпише тоа. Во следните четири години тоа
нема да се случи во Куманово“, изјави Димитриевски.

Коментари

коментар(и)