Пожар избувнал вчера попладне во стан во зграда лоцирана на улицата „Среќко Пужаљка“ во Куманово.
Како што информираше Дејан Илиевски, командир на Територијалната противпожарна единица Куманово, пожарот е изгаснат, нема повредени лица, интервенирале две противпожарни возила.
Пожарот предизвикал голема материјална штета, а причините за избувнување на пожарот засега не се познати.
Екипа на Територијалната противпожарна единица Куманово вчера попладне гаснела и ниска шума, трева и грмушки кај асфалтната база Бетон во близина на село Романовце.
