Од 50 до 60 проценти се движи наплатата на даноците и комуналната такса за 2024 година, информираа надлежните од секторот за даноци и такси од општина Куманово. Според раководителката Фросина Краљевска наплатата е солидна, но процентот секојдневно расте бидејќи граѓаните вршат наплата на долговите за лани што ги имаат кон општината.
-За назив на деловна просторија – комунална такса имаме остварено наплата од околу 50 проценти, за данок на имот за физички лица процентот се движи околу 57, а данокот на имот за прави лица имаме остварено наплата од 57 отсто за претходната 2024-та. Тековна активност на секторот за даноци и такси е генерирање на опомени за неплатени долгови за овие даноци за лани, очекуваме процентот значително да порасне. Во средства, општина Куманово досега собрала околу 12 милиони денари за назив на деловна просторија, 43 милиони за данок на имот на физички лица, а за правни околу 12,5 милиони денари.
Решенијата за данок на имот за физички лица и данок на имот за правни за 2025, граѓаните и субјектите ќе ги добијат до мај годинава.
