Професори од Општинскиот сојуз на спортови освоија прво место во турнирот во мал фудбал што беше организиран вчера од страна на Отсекот за превенција при Секторот за внатрешни работи Куманово и Локалниот совет за превенција со цел зближување на овие институции.
Екипата на Секторот за внатрешни работи Куманово на турниот освои второ место, третото припадна на вработените во Општина Куманово, а четврто место освоија волонтерите на Црвениот крст.
– Турнир во мал фудбал помеѓу институции, оние кои најмногу соработувавме во овој период и коишто се најважни за таа локална поврзаност и безбедноста на младите и возрасните. Тоа се одржа во текот на вчерашниот ден. Поентата не беше повеќе околу натпреварувачкиот карактер и кој ќе го освои пехарот, туку повеќе беше да се истакне таа наша заложба за заедничка поврзаност и посветеност на заедничкото работење, изјави Виолета Богдановска, началник на Отсек за превенција.
Турнирот се реализираше под мотото „Заедно за здраво и безбедно детство“.
