Отсекот за превенција при Секторот за внатрешни работи Куманово одржа работен состанок со автопревозниците кои вршат јавен превоз на патници на кои што им беше посочено во најкраток рок да ги отстранат неправилностите во однос на непочитувањето на законските правила и норми, бидејќи претстојат организирани контроли со државен инспектор за патишта при министерството за транспорт и врски.
Состанокот е одржан во присуство на командирот на Полициска станица за безбедност на сообраќајот на патиштата Агим Шемшиу, државниот инспектор за патишта и инфраструктура при Министерството за транспорт и врски Бојан Антиќ, раководителите Лидија Ланг Спасовска, Бобан Бојковски и надлежните инспектори за патен сообраќај од Општина Куманово, Ненад Илиевски и Дејан Димитриевски.
