Здружението на просветни работници Куманово денеска свечено ги додели признанијата на просветните работници на општина Куманово за 2025 година во три категории, беа прогласени наградените ученици и ментори од одржаната ликовна работилница посветена на Свети Кирил и Методиј, а во Занаетчискиот дом беа изложени и ликовни творби на ученици од основните и средните училишта.
Признанија им беа доделени на просветните работници: Николина Милевска од ООУ „Кочо Рацин“ во категоријата одделенска настава, наставничката по математика Даниела Стојановска од ООУ „Христијан Карпош“ во категоријата предметна настава и наставникот по математика Слаѓан Станковиќ од ОСТУ „Наце Буѓони“ во категоријата средно образование.