Во Куманово се лекуваат 116 пациенти од Ковид 19

Во изминатите 24 часа  во ковид центрите во болниците низ земјава е пријавено дека се лекуваат вкупно 835 пациенти позитивни и суспектни на корона вирусот. Од нив 116 се регистрирани во Куманово. Бројките се варијабилни и зависат од соодносот на приемите и исписите на пациенти на дневна основа.

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1.427, а околу 270 болнички легла се празни.