Душан Кипријановски од ООУ „11 Октомври” освои прво место во квизот на знаење за општинските основни училишта на македонски наставен јазик организиран викендов од Општинскиот совет за превенција и Отсекот за превенција при СВР Куманово
Второ место освои Дарија Стефановска од ООУ „Крсте Мисирков”, а третото место му припадна на Дамјан Стојановски од ООУ „Браќа Миладиновци”.
„Квизот наиде на позитивен одзив, заинтересираност и упорност од страна на учениците во сите три круга на натпреварување, кој има едукативен карактер. Учениците се стекнаа со нови знаења, проширувајќи ги досегашните пријателства. Победниците во квизот на знаење од организаторите добија ваучери за школски прибор, а беа доделени и благодарници на натпреварувачите во потесниот круг од финалниот квиз“, соопштија од општина Куманово.
