Во чест на Интернационалниот ден на жената, 8-ми Март, Фото клуб Куманово во соработка со Центар за култура “Трајко Прокопиев“ ја организира изложбата на уметнички фотографии “Жените и фотографијата“. Отворањето е закажано за 5ти март во 12 часот.
Жената отсекогаш била дел од светот на фотографијата, како муза, модел и инспирација, но и како уметник чии фотографии имаат моќ да инспирираат. Мора да се истакне дека Фото Клуб Куманово е со поголема бројност на жени фотографи, кои како активни членови на клубот успеаја да се закитат со многу награди годинава. Поради интересот, минатогодишната изложба беше презентирана и во други градови, а од клубот се надеваат дека така ќе биде и оваа година. Изложбата брои 50 фотографии, и е составена од две теми, ставајќи акцент на улогата на жената во современиот свет, но и оставајќи слободен простор за интерпретација на авторите.
Изложбата ќе биде поставена до 17 март 2021, ве повикуваме да ја посетите.