Советот на Општина Куманово на вчерашната седница го усвои ценовникот за новиот авто-пазар кој ќе се одржува секоја сабота на локацијата на стариот добиточен пазар во Долно Којнаре. Како што соопшти в.д.директорот на ЈП „Пазаришта“ Суад Зејнулахи, цените на услугите ќе зависат од големината и видот на возилото, а капацитетот ќе изнесува од 200 до 300 возила.
„Цените на услугите ќе зависат од големината и видот на возилата: за електричен тротинет 100 денари, за мотоцикли 150 денари, за електрични автомобили 150 денари, за автомобили, приколки и трактори 300 денари, за комбиња 350 денари, а за камиони 400 денари. Доколку се остави возилото на паркингот за дневно паркирање ќе се наплатува 150 денари“, кажа Зејнулахи.
