Во вторник во кружната сала на зградата на поранешен Комитет ќе се одржи петнаесетта седница на Совет на Општина Куманово. На дневен ред ќе се најдат предлог – Одлука за верификација на мандат на член на Советот, Информација за превземени мерки и активности на Полициска станица од општа надлежност Куманово во текот на првото полугодие од 2022 година, тримесечен извештај за финансиско работење на ЈП „Водовод“ како и предлог – Одлука за давање согласност на Измена на Годишен план за вработување во 2022 година.
Потоа ќе следува извештај за деловно финансиско работење на ЈП „Чистота и зеленило“за период Јули – Септември 2022 година, како и за истиот период за ЈП „Пазаришта“ .
Советниците ќе го разгледаат и предлог – Решението за давање согласност на Одлуката на ЈП „Пазаришта“ – Куманово за утврдување на недвижни ствари кои треба да бидат предмет на јавно наддавање за издавање под закуп; Извештај за финансиско работење на ЈП „Куманово – паркинг“ –за период од 01-ви јуни ди 30-ти септември, како и за ЈП „Куманово – гас“ и Куманово план.
Ќе следува и предлог – Одлука за давање согласност на Измена и дополна на Годишен план за вработување во 2023 година на ООУ „Браќа Рибар” с. Табановце;
Квартален извештај за извршување на Буџетот на Општина Куманово за III квартал од 2022 година;
Предлог – Одлука за намера за реализација на проект со заем од Проектот за енергетска ефикасност во јавниот сектор и овластување за потпишување на Иницијален договор;
Предлог – Одлука за изменување и дополнување на Одлуката за основање на Јавно претпријатие за јавно осветлување и паркинг простори ,,Куманово-Паркинг’’ ;
Извештај од спроведена функционална анализа на ЈП „Куманово – паркинг“ – Куманово;
Предлог – Одлука за одобрување на склучување на анекс на договор за закуп на деловен простор;
Предлог – Одлука за давање на трајно користење на движни ствари – сопственост на Општина Куманово на ЈП „Чистота и зеленило“ , Куманово гас;
Предлог – Одлука за исплата на еднократна парична помош од Буџетот на Општина Куманово за 2022 година;
Предлог – Решение за констатирање престанок на мандат и избор на претседател на Комисијата за безбедност, безбедност во сообраќајот и противпожарна заштита на Советот на Општина Куманово;
Предлог – Решение за измена на Решението за определување на членови на Советот на Општина Куманово кои ќе учествуваат при склучување на бракови во Општината Куманово;
Предлог – Одлука за разрешување и именување на членови на Општинскиот совет за превенција на детско престапништво на Општина Куманово;
Предлог – Одлука за разрешување и именување на членови на Локалната комисија за борба против трговија со луѓе и илегална миграција на Општина Куманово;
Предлог – Решение за разрешување и именување на член на Органот за надзор на ЈОУ Дом за стари лица „Зафир Сајто” – Куманово;
Предлог – Решение за именување на претставник од Општина Куманово за член на Училишниот одбор во ООУ „Вера Которка“ – с. Клечовце.
Седницата која ќе почне во 10 часот, ќе можете да ја следите во живо на ТВ Плус.