Академски скулптори до петти јули имаат можност да се пријават со свои дела за изложбата насловена „Скулптури на новото време“. На изложбата можат да учествуваат скулптори кои живеат и работат на територијата на Република Македонија, со три досега неизлагани скулптури.
– Центарот за култура „Трајко Прокопиев“ ја организира биеналната изложба на скулптури од 1998 година и досега одржани се десет изложби. На изложбите се презентирале уметници од повеќе генерации од целата држава. изјава Роберт Цветковски, директор на центар за култура
Темата е слободна како и изборот на техниката и материјалот. Авторот има обврска со приложените скулптури да достави и своја фотографија и биографски податоци кои би се отпечатиле во каталогот посветен на оваа изложба.
Проектот е подржан од Министерството за култура на Република Македонија, а организатор и координатор на сите активности поврзани со изложбата е центарот за култура.
Изложбата ќе се одржи во втората половина месецов, а освен во Куманово, скулптироте ќе бидат изложени и во други градови во државата.
По завршувањето изложбaта скулптурите ќе бидат вратени на авторите.