Уште еден возбудлив натпревар се одигра во Првата лига. За разлика од натпреварот во Скопје кој беше решен во регуларниот дел, во Кавадарци беа потребни две продолженија. Еуроникел можеше и полесно, но не успеа да го задржи ритамот, на крајот мораше да се намачи за да го совлада Куманово (112-111) во заостанат меч од петото коло.
Рикиќ со 30 поени и 14 скока беше најефикасен, зад него беше капитенот Петровски со 25 поени и пет скока. Кај гостите, Ливингстон имаше 26 поени а Џекиќ запиша 22 поени.
Кавадарчани по првото полувреме имаа предност од 40-34, на средината на третата четвртина истата изнесуваше и плус 12 (54-42). Во последната четвртина Куманово се врати и се избори за продолжение кое не беше доволно за триумф, се одиграа нови пет минути, а Рикиќ со четири поени во низа донесе радост во редовите на својот тим.
Со оваа победа, Еурникел останува во игра за горниот дел од табелата пред почетокот на плеј-офот.
