20 годишниот Симе Пешевски утрово го фати светиот крст во базенот на соборниот храм Свети Никола. Пешевски првпат учествува на манифестација по повод Водици и имаше најголема среќа од дваесетемина кумановци , да падне крстот во неговите раце. Очекува оваа година да биде поуспешна од претходната .
Во овој базен претходните две години крстот отиде во рацете на Виктор Петковски, кој денеска беше на затворениот градски базен да им даде поддршка на другарите и пријателите.
Инаку, пред осветувањето на водата и фрлањето на крстот, во Соборниот храм „Свети Никола“ се одржа и света литургија во чест на Богојавление.
Во истовреме, во црката Света Троица, крстот го фати 21 годишниот Денис Андриевски, кој по трет пат скока по крст.
Верниците утрово запалија свеќи и се помолија за здравје, мир и благосостојба.
По крст утрово се скокаше и во реката Липковка, во Бедиње.