Северина и Јелена Розга со настапи во Крива Паланка и Берово

Од 23-ти до 25-ти август во општина Берово ќе се одржи традиционалната манифестација „Етно Плоштад Фестивал“ во чии рамки ќе се одржи и саемот на традиционални малешевски производи „Малешевијата на дланка“, а како главна музичка ѕвезда на настанот е најавена хрватската пејачка Јелена Розга, која што со своите хитови ќе ја затвори манифестацијата.

Во Крива Паланка, која годинава е прогласена за Град на културата 2024, програмата по повод прославата на „Св. Јоаким Осоговски“ започнува на 22 август и ќе трае до 29 август. Во чест на празникот, на 28 август на градскиот плоштад во Крива Паланка ќе настапи балканската музичка ѕвезда Северина.