Распродадени се билетите за премиерното издание и за првата реприза (09.10) на претставата „Како што сакате“ („Ноќ спроти Водици“) на Театар Куманово. Љубителите на комедијата вечерва во 20 часот и утревечер во истото време ќе имаат можност да уживаат во претставата по текст на Вилијам Шекспир, а во режија на Срѓан Јаниќијевиќ.
На сцената на Центарот за култура ќе играат: Жарко Јовановиќ, Марко Трајковиќ, Антонио Димитриевски, Нина Максимова, Анастасија Величковиќ, Александра Пешевска, Давид Илиќ и Никица Јанковски.
Инаку, вчеравечер во малата сала на Центарот за култура публиката имаше можност да ги проследи студентите од ФДУ со нивната претстава која е во придружната програма на МТФ „Денови на комедија 2024“, во класата на професорот Ангелчо Илиевски.
Во претставата играа: Ангела Атанасовска, Дамјан Атовски, Давид Димовски, Марија Јанчевска, Теона Крстеска, Милан Петровски, Вера Тошевска Анастасија Трајковска и Ангела Цветковска.
