ВИДЕО: Наградени најуспешните по повод Месецот на книгата

Библиотеката „Тане Георгиевски“ организираше завршна манифестација по повод Месецот на книгата. Во малата сала на основното училиште „Крсте Мисирков“ свечено беа доделени благодарници, дипломи и награди на сите ученици кои постигнаа најдобри резултати во категории на литературен натпревар (поезија и проза), ликовен натпревар и натпреварот Млади библиотекари кој во мај продолжува на државно ниво.
Претходно, ученици од општинските основни и средни училишта пишуваа проза и поезија и изработуваа ликовни творби, во просториите на градската библиотека.

Годинава, најголем број награди од основните училишта освоија учесниците од ООУ „Толи Зордумис“. Петте ученички кои што успешно се претставија и во пишување проза и во поезија се под менторство на наставничката по македонски јазик Наташа Пешевска.