Приведени се повеќе лица од Скопје, Битола, Куманово, Велес, Маврово, кои се осомничени за злоупотреба на службена положба и перење пари и други приноси од казниво дело, соопшти МВР.
„МВР до Основното јавно обвинителство за гонење на организиран криминал поднесе кривична пријава за „злоупотреба на службена положба и овластување“ и „перење пари и други приноси од казниво дело“ против 13 физички и едно правно лице, соопшти МВР.
Во полициска акција на Министерството за внатрешни работи во координација со ОЈО за ГОКК, при што врз основа на обезбедени наредби од Основен кривичен суд, вчера извршени се претреси на повеќе локации на подрачје на Скопје, Битола и Кичево, кај правни и физички лица, во врска со сторени кривични дела поврзани со сомнителни набавки на деривати.
Во рамки на акцијата лишени од слобода се 11 лица, едно лице е недостапно за органите на прогонот и едно е со мерка притвор. Досега, од извршените претреси пронајдени и одземени се документација, пет мобилни телефонски апарати, околу 1.500 парчиња муниција од различен калибар, два пиштоли и три патнички моторни возила.
МВР по насоки на надлежниот јавен обвинител ќе продолжи со преземање на понатамошни полициски активности и дејствија со цел обезбедување на други докази поврзани и со други кривични дела.
