Карате клубот „Ронин Доџо“ од Куманово постигна значаен успех на 15. Светско шотокан првенство што се одржа од 31 октомври до 2 ноември во Софија, Бугарија.
Клубот учествуваше со седум натпреварувачи кои беа дел од македонската шотокан репрезентација.
Каратистите се вратија со пет медали – едно злато и четири бронзи.
Златниот медал го освои сениорскиот женски ката тим во состав Николина Милорадовска Смилевска, Јована Стојковска и Ања Ангеловска.
Во јуниорска конкуренција бронзен медал освоија Бојана Денковска и Кирил Младеновски, додека во категоријата 12–13 години, помладите кадети Дамјан Стојановски и Милица Кипријановска се закитија со бронзени медали.
Сите натпреварувачи од клубот настапија во дисциплината кати, а тренерот Оливер Милорадовски учествуваше и како судија на првенството.
На натпреварот учествуваа натпреварувачи од над петнаесет држави со повеќе од илјада учесници.