На градскиот плоштад во Куманово утре ќе има бесплатни дерматолошки прегледи за граѓаните. Прегледите ќе се одржуваат од 09:00 до 11:00 часот, а целта е навремено откривање на промени на кожата и и подигнување на свеста за значењето на редовните здравствени прегледи.
Активноста под наслов „Заштити ја својата кожа – прегледај се навреме! Раното откривање спасува живот!“ ја организира Здружението на виши и средни медицински сестри, техничари и акушерки при Здравствен дом – Куманово, со финансиска поддршка од Општина Куманово, обезбедена преку Јавниот повик за финансиска поддршка за превентивно-промотивни активности за унапредување на здравствената заштита.
