Вести

Долготрајна сува кашлица е најчестиот симптом на кој се жалат последниве денови хронично болните пациенти и децата, информираат од здружението на матични лекари Куманово. Претседателот на здружението, д-р Фатмир Асани посочува дека зголемен е бројот на пациенти кај матичните лекари кои се жалат на здравствени тешкотии предизвикани од аерозагадувањето.
Се препорачува- повозрасните и најмалите да не излегуваат во попладневните часови кога е евидентно аерозагадувањето, оние кои можат да набават прочистувачи на воздух и да се следат…

Во објектот на ТППЕ Куманово утре напладне ќе бидат презентирани реализираните активности за заштита и превенција од пожари на подрачје на општините Куманово, Липково, Старо Нагоричане и Ранковце и придобивките од нив овозможени во рамки на проектот „Одржлив и инклузивен рамномерен регионален развој“ фаза 2, кои ги реализираше Министерството за локална самоуправа со поддршка на Владата на Швајцарија.
На настанот ќе присуствуваат командирот на ТППЕ Куманово, Деан Илиевски, Претседателот на Совет на Општина Куманово, Ивана Ѓорѓиевска,…

Започна поставувањето на 138 улични светилки со соларно напојување во неколку ромски маала во Куманово со вкупна должина на осветлен пат од 11 километри, објави претседателката на Совет на општина Куманово, Ивана Ѓорѓиевска.
Невладината организација „Ромалитико“ заедно со општина Куманово, ромската дијаспора и заедница до крајот на декември ќе ги осветли маалата Бавчи, Средорек, Карпи, улиците „Браќа Миладиновци“ и „Тане Георгиев“ во кои вкупно живеат повеќе од 2500 жители, напиша Ѓорѓиевска.

Секторот за внатрешни работи соопшти дека денеска (20.11.2024) во 10.15 часот, полициски службеници ги лишиле од слобода А.П.(18), Д.Г.(18) и Ј.Б.(20), сите од Куманово, додека на службен разговор биле повикани уште четворица малолетници од Куманово бидејќи во паркот „Соколана“ во Куманово физички нападнале 18-годишно момче.
Како што додаваат од полицијата, по целосно документирање на случајот, против нив ќе следуваат соодветни пријави.
 

Секторот за внатрешни работи Куманово информира дека ноќеска двајца кумановци на возраст од 18 и 22 години пријавиле дека на улицата „Бранко Богдански Гуцман“ во Куманово, неколку лица физички ги нападнале, при што употребиле и тврди предмети.
Се преземаат мерки за расчистување на случајот, соопштија надлежните.

Православната црква и верниците на 21-ви ноември, го слават еден од најголемите христијански празници – Свети Архангел Михаил.
Верниците кои што слават, уште денеска ги посетуваат црквите за да пресечат славски колач, а чествувањето продолжува во домовите, бидејќи Свети Архангел Михаил е и домашна слава.
Светецот заштитник го слават и месарите и касапите.
Именден слават Ангела, Ангел, Архангел, Михаела, Михаил …
 

Во вторник следната седмица, ќе се одржи 47-та седница на Советот на општина Куманово со дваесетина точки на дневниот ред.
Пред советниците ќе се најдат  Тримесечниот извештај за финансиско работење на јавните пртетпријатија  „Водовод“, „Куманово гас“,  „Куманово план“ , „Куманово паркинг и „Чистота и зеленило“. Советниците ќе треба да се изјаснат и за предлог – програмата за изменување на програмата за субвенционирање на граѓани за приклучок на гасификациона мрежа на подрачје на општина Куманово за 2024…

Полициски службеници од Полициската станица за гранични проверки и граничен надзор Табановце го лишиле од слобода А.С.(38) од с.Црнилиште, општина Долнени, поради сомнение за сторено кривично дело „употреба на исправа со невистинита содржина “ по член 380 од Кривичниот законик.
На влез во државата била извршена контрола на патничкото возило „мини купер“ со швајцарски национални ознаки, со кое патувал, при што било констатирано дека ВИН бројот на возилото не се совпаѓа со ВИН бројот во сообраќајната…

Над три илјади монети со археолошка вредност биле откриени вчера кај албански државјан на Граничниот премин Табановце при обид да излезе од државата, соопшти МВР.
Како што инфромираат надлежните, при преглед и контрола на автобус со албански национални ознаки, со кој се превезувал на релација од Албанија до Италија, лицето било селектиран за дополнителна контрола, при што во неговиот багаж биле пронајдени три кеси со 3622 монети со археолошка вредност, различни по форма, вредност, големина и…