Author: Александар Ѓелевски

По повод претстојниот празник 11 Октомври, здружението на жени „Нада Михајлова“ и поетскиот клуб „Обденица“ викендов организираа традиционална поетска вечер. Освен членовите на клубот, со свои поеми пред присутните во малата сала на центарот за култура се претставија и средношколци, љубители на пишаниот збор.

Ла плаза мол ја збогати понудата. Викендов беа отворени три угостителски објекти во првиот трговски центар во Куманово. Молот Ла плаза започна со работа на 15-ти јуни годинава. Инвеститор е компанијата Лико проект. За новите содржини во Ла плаза мол повеќе детали од изјавите на сопственикот Нуждет Рамадани и градоначалникот Максим Димитриевски.

Силен аплауз и овации за актерите од Театар Пирот од Србија  при изведбата на претставата „ Приказна за театарот“ во саботата на сцената на Центарот за култура.

Завршија тридневните саеми  „Органска трпеза“ и „Агро Мак“  кои ги организираше здружението „Живот“ од  Куманово. Учествуваа излагачи од Македонија, соседните држави, но и Унгарија, Словачка, Црна Гора, Турција. Организаторите задоволни од посетеноста на саемите.

Во  просториите на локалната самоуправа денеска беше потпишан Меморандум за соработка помеѓу Хабитат Македонија и општина Куманово во рамките на глобалната кампања „Домот е еднаквост“ и стартот на кампањата „Урбан октомври“. Беше основана и Локалната лидерска група во општина Куманово составена од 15 членови. Општа цел на проектот „ Домот е еднаквост“ е да придонесе кон инклузивен, ефикасен и одржлив урбан развој на ромските заедници заснован на почитување и остварување на човековите права и во…