Домашни но и странски инвеститори се заинтересирани за парцели во кумановската индустриска зона, тврди градоначалникот на Куманово, Максим Димитриевски. Вели и покрај големата економска криза, очекуваме развој на зоната.
Во тек се преговори со германскиот ланец супермаркети „Лидл“, за изградба на логистички центар во кој би се вработиле 300 лица, но издадена е и градежна дозвола за проширување на „Дрекслермаер“, со што ќе се овозможат 1500 работни места.
