Движењето ЗНАМ – За наша Македонија денеска одржа прес-конференција на која информираше за донесените одлуки на Централниот одбор во однос на предлог кандидати за заменици министри од редовите на Движењето во Владата на Република Македонија.
Портпаролот на Движењето, Никола Мемов, рече дека Централниот одбор со едногласно донесена одлука за кандидати за заменици министри ги утврди: за заменик министер за енергетика, рударство и минерални суровини – Мирослав Лабудовиќ, а за заменик министер за дигитална трансформација – Радослав Настасијевиќ Варџиски.