Од полноќ за половина денар поскапуваат Еуросупер БС-98 и Екстра лесното масло за домаќинство. Цената на Еуросупер БС-95 и Еуродизелот останува непроменета.
Согласно денешната одлука на Регулаторната комисија за енергетика, новата цена на Еуросупер БС-98 ќе биде 83 денари, а на Екстра лесното масло за домаќинство 68 денари за литар. Цената на Еуросупер БС-95 останува 80,5 денари за литар и на дизелот 69 денари за литар.
Малопродажната цена на мазутот се зголемува за 0,7 ден/кг и сега ќе изнесува 40,1 ден/кг.
