(ВИДЕО) Одбележан Меѓународниот ден на детето

Во организација на Отсекот за превенција при Секторот за внатрешни работи Куманово заедно со Општински совет за превенција на детско престапништво, денеска на градскиот плоштад во Куманово се одбележа 20-ти ноември, Меѓународниот ден на детето. Ученици од основни училишта им поделија честитки на случајните минувачи, кои содржат безбедносни пораки.

-Ние во изминатите години тоа го правиме со различни настани и активности. Оваа година го одбележуваме заедно со ученици од основни училишта кои претходно изготвија безбедносни пораки напишани на парче хартија, кои во форма на честитка ќе им го подарат на граѓаните, а воедно и еден анкетен прашалник имаме направено на три прашања од кој сакаме да видиме колку граѓаните знаат за закон за правда за деца, што ќе предложат како идеа и што сметаат кој е најважен чинител за поголема заштита и безбедност на деца, дали се тоа институциите, родителите, семејството или некој друг. Воедно ќе има и цртање и пишување на пораки кои ќе се достават до инситуциите-нагласи Виолета Богдановска, началничка Отсек за превенција во СВР Куманово.

Општински совет за превенција на детско престапништво Куманово е формиран во 2019 година со одлука на Совет на општина Куманово и, како што појаснува Богдановска, активно учествува во имплементирање и реализирање на превентивни кампањи и активности кои ќе ја разбудат свеста кај сите за поголема грижа и безбедност на децата.

Инаку Меѓународниот ден на детето произлегува од Конвенцијата за правата на децата од 1959 година и Декларацијата на правата на децата од 1989 година.

Коментари

коментар(и)