Бензините од ноќеска на полноќ поевтинуваат за половина денар, а цената на дизел горивата се зголемува за еден денар за литар, одлучи денеска Регулаторната комисија за енергетика и водни услуги.
Со одлуката се врши намалување на малопродажните цени на нафтените деривати во просек за 0,01 отсто.
Новата малопродажна цена на ЕУРОСУПЕР БС – 95 изнесува 79 денари за литар, ЕУРОСУПЕР БС – 98 ќе се продава за 81, ЕУРОДИЗЕЛ за 77, а Екстра лесното масло за горење за 73,5 денари за литар.
Со одлуката за 0,805 денари за килограм се намалува и малопродажната цена на Мазутот и ќе изнесува 52,354 денари.
