Бензините ЕУРОСУПЕР БС-95 и ЕУРОСУПЕР БС-98, како и ЕУРОДИЗЕЛ од ноќеска на полноќ ќе поскапат за половина денар по литар, а цената на Екстра лесното масло за домаќинство останува на исто ниво, одлучи денеска Регулаторната комисија за енергетика.
Новата цена на литар ЕУРОСУПЕР БС -95 ќе изнесува 67,50 денари, 69,5 денари ќе чини литар ЕУРОСУПЕР БС -98, а 60 денари ЕУРОДИЗЕЛ БС. Екстра лесното 1 и натаму ќе се продава по 59 денари за литар.
Со одлуката на РКЕ, малопродажната цена на Мазутот се зголемува за 0,262 денари за килограм и ќе изнесува 33,8 денари.
Зголемувањето на малопродажните цени на нафтените деривати во просек е за 0,62 проценти во однос на одлуката на РКЕ од 25 месецов.
