Лажниот социјалдемократ, Максим Димитриевски уште во првите денови започна со одмазда кон своите политички неоистомисленици. Над 20 вработени лица во Општина Куманово овие денови се распоредени на пониски позиции и преместени на работни позиции на кои никогаш не работеле, обвини претседателот на општинската организација во Куманово, Мартин Костовски. Причината за преместување и деградирање, според СДСМ е тоа што овие лица се нивни истакнати активисти и членови.
-Ова е класичен политички реваншизам и самоволие на градоначалникот Димитриевски. Постапка која потсетува на едни режимски времиња. Со ваквите постапки се покажа недемократското и неодоговорното лице на Максим Димитриевски, кој решил заради лични каприци да се пресметува и казнува луѓе кои со години, децении работат во општината. Јасно ни е дека Димитриевски ќе продолжи со притисоците, но и нему треба да му биде јасно, дека со ваквиот однос нема да успее да исплаши никого. Кумановци и кумановки не попуштаат под притисоци и закани, а Куманово е бастион на СДСМ и социјалдемократијата. На овој начин Димитриевски не само што не може никого да заплаши туку тој само го покажува пред јавноста својот нарав и лицето пред цело Куманово. На крајот апелираме до секој еден, кој е под притисок на Димитриевски истото да го пријави-нагласи Костовски.
Костовски нагласи дека СДСМ ќе стори се за да го заштити секој поединец, вработен професионалец кој се соочува со закани, притисоци и уцени од страна на градоначалникот. Времето на режимски постапки, на самоволието на функционерите заврши одамна, истакнаа од СДСМ.
ВИДЕО НАСКОРО!