Виктор Радевски од Куманово освои сребрен медал на еден од најголемите гастрономски натпревари на Балканот „Бисер мора“ кој се одржа во Брач, Хрватска.
Радевски го претставуваше Етно Ресторан „Етно село-Тимчевски“ а учествуваше под менторство на Асан Даутовиќ и македонската асоцијација „Гастромак“ предводена од Адријана Алачки.
Тој медалот го освои во категоријата подготовка на тартар бифтек послужување и декантирање на црвено македонско вино со користење на македонски традиционални земјени садови за готвење.
Во неговиот тим, беа и Влатко Алексовски кој освои сребрен медал во категоријата Live Carving, но и Дени Шубашевски кој освои брозна и сребро.
Радевски годинава ќе одбележи 10-годишен јубилеј во угостителскиот сектор, а долги години работи во ресторанот „Етно село-Тимчевски“.
Етно Ресторан „Етно село-Тимчевски“ е посакувана дестинаци посебно за викендите за гости од цела Македонија а нивниот вработен високото второ место го освои во конкуренција од над 600 натпреварувачи од Турција, Македонија, Малта, Босна и Херцеговина, Србија, Црна Гора, Хрватска, Словенија, Албанија и други држави од регионот.
Натпреварот „Бисер мора“ се одржа во Хрватска, на островот Брач од 19-ти до 23-ти Март.
