Вакцина против ковид 19 во вакциналниот пункт во Куманово денеска прими градоначалникот, Максим Димитриевски. Тој посака што поголем број граѓани да го искористат своето право да се имунизираат, бидејќи тоа е најдобриот начин да се заштитиме себеси од оваа глобална пандемија.
-Првин сакам да се заблагодарам на сите вработени во Центарот за имунизација против Ковид во Куманово, ова е регионален центар, гледам дека организацијата е добра на високо ниво. Да ги поздравам сите здравствени работници, сите волонтери кои доаѓаат и од Факултетот за медицински науки и секако претставниците на Црвениот крст, МВР и Армијата на Република Македонија. Ние како општина Куманово ја дадовме целосната логистика за оформување на овој ковид центар за вакцинација и условите за работење како што гледате се прилично добри на високо ниво, заедно со Здравствениот дом во Кумановo-истакна тој.
Дополни дека вакцините се добри и дека верува во нивната безбедност.